ನೀಲಿ ಬಾನಲ್ಲಿ
ಚುಕ್ಕಿ ಚಂದ್ರಮರು ತೇಲಲು
ರವಿ ಜಾರಿದ
ಸಾಗರದ ತಳ ಸೇರಿದ.
ರಂಗು ರಂಗಿನ
ಮೇಘ ಮಾಲೆಯು
ಜೊತೆ ಜಾರಿತು
ಸಾಗರದ ತಳ ಸೇರಿತು.
ಬೆಳ್ಳಿ ಬೆಳಕ ಜೊತೆ
ನಿನ್ನ ನೆನಪು
ಸೇರಿ ಮತ್ತೇರಿತು.
ಹೊಂಗನಸ ಲೋಕದ
ಕದ ತೆರೆಯಿತು.
ಅಲ್ಲಿ ,
ಎಲ್ಲ ಮರೆಸುವಂತೆ
ಎನ್ನ ಕಣ್ಣೆದುರೇ
ಇರುವೆ ನೀನು.
ಪ್ರತಿ ಮುಂಜಾನೆಯಲು
ಮೂಡುವ
ಮಂಜಿನ ಹನಿಗಳ
ಸವಿಯು ಜೊತೆ ಸವಿಯಲು
ಹಕ್ಕಿಗಳೇ ಕೋರುವವು
ಶುಭವ.
ದಿನವಿಡೀ ಹಸಿರ
ಲೋಕದ ಕಾಯಕ
ಎದೆಯ ಒಳಗೆ
ಬಣ್ಣದ ಪುಳಕ.
ಮುಸ್ಸಂಜೆಯಲಿ
ನಿನ್ನ ಮಡಿಲಲಿ ತಲೆಯಿರಿಸಿ
ಎಣಿಸಲು ಸಾಗರದ ಅಲೆಗಳ
ನೋಡಿ
ನಾಚುವವು ನಕ್ಷತ್ರಲೋಕ
ಚಂದಿರ ಸೇರುವನು
ಮೋಡದ ಮರೆಯ..
Thursday, July 31, 2008
Subscribe to:
Post Comments (Atom)
No comments:
Post a Comment