ಆಕಾಶ ಮತ್ತು ಕನಸು

..........................ಚಂದಿರೆ ನಗ್ತಾ ಇತ್ತು

ಆದ್ರೂ, ಆ ನಕ್ಷತ್ರ ಮುಗಿಲು ಬಿಟ್ಟು ಹೋದ ಸುಂದರ ನೆನಪುಗಳಲ್ಲಿ ಮುಳುಗೇಳುತ್ತಾ ಚಂದಿರೆಯ ನೋಡ್ತಾ ಹಾಗೇ ಇದೆ. ಹೋದ ಹುದು ಎಂಬ ನೀರೀಕ್ಷೆಯಲ್ಲಿ......

ಬೆಳ್ಳಿಯ ಹಣ್ಣು

ಸೂರ್ಯ
ಜಾರಿ ಎಷ್ಟೋ
ಹೊತ್ತಾಯಿತು.
ಬಾನಲ್ಲೆಲ್ಲ
ಹತ್ತಿ ಹಾರಾಡುತ್ತಿದೆ
ಕನಸುಗಳು.

ನಾಯಿಗಳ
ಸಂಗೀತ ಸುಧೆಗೆ
ಗೊರಕೆಗಳು
ಸಾತ್ ನೀಡುತ್ತಿವೆ.
ಚುಕ್ಕಿಗಳು
ಬಯಲಲ್ಲಿ ನಿಂತು
ಪಿಳ ಪಿಳ
ನೋಡುತ್ತಿವೆ.

ದೂರದ
ಮರದ ರೆಂಬೆಯೊಂದರಲ್ಲಿ
ಬೆಳ್ಳಿಯ ಹಣ್ಣೊಂದು
ನೇತಾಡುತ್ತಿದೆ.
ನಾಳೆ
ಕರಗುವೆನೆಂಬ
ಆತಂಕ ಅದಕಿದ್ದಂತಿಲ್ಲ.

ನನ್ನ ಹಾಗೆ?!! ....
ನಿನ್ನ ಹಾಗೆ?!!!.........

ಮೌನ

ಈ ಬೆಳಕು
ಎದೆಯ ಚುಚ್ಚುತ್ತವೆ.
ಗಾಯಗಳು
ಹೊಸ ಹೂವ
ಅರಳಿಸುತ್ತವೆ .
ಹೀಗೆ,
ಒಂದೆರಡು ದಿನ
ಮೌನ
ಉಪಚರಿಸುತ್ತದೆ
ಗಾಯ
ಮಾಸಿ ಹೋಗುವಂತೆ.
ಈಗೀಗ
ಗಾಯಗಳು ಮಾಮೂಲು
ಹಾಗೇ,
ಮೌನವೂ
ಬಲು ಹತ್ತಿರ.

ಹುಡುಕಾಟದಲ್ಲಿ

ಹುಡುಕುತ್ತವೆ
ನನ್ನ ಕಣ್ಣುಗಳು
ನೀ
ಎಲ್ಲಿರುವೆಯೆಂದು
ನೀ
ಬರುವ ದಾರಿಯಲಿ
ಎಲ್ಲಾದರು ಇರುವೆಯಾ
ಎಂದು


ಕೆಂಪು ಹಳದಿ ನೀಲಿ
ಕಪ್ಪು ಬಿಳಿ
ನೇರಳೆ
ಹೀಗೆ
ಬಣ್ಣಗಳ ಮೆರವಣಿಗೆ
ನಿನ್ನ
ಅಪ್ಪಿರುವ ಬಣ್ಣ
ಯಾವುದೆಂದು ಹುಡುಕಲು
ಹೆಜ್ಜೆ ತಪ್ಪಿ ಬೀಳುತ್ತೇನೆ

ನೀ
ಕೈಹಿಡಿದು
ಮೇಲೆತ್ತಿ ಮುದ್ದಿಸುವೆ
ಎಂಬ ಕಲ್ಪನೆ ನೋವ
ಮರೆಸುತ್ತದೆ


ಮತ್ತೆ ಹುಡುಕುತ್ತ
ಮುಂದಡಿಯಿಟ್ಟರೆ
ಯಾರುಯಾರಿಗೋ ಡಿಕ್ಕಿ
ಹೊಡೆದು
ಬೈಸಿಕೊಳ್ಳುತ್ತೇನೆ
ನಿನ್ನ
ಉದ್ದ ಜಡೆ ಕಂಡಂತಾಗಿ
ಮುಂದಕ್ಕೋಡುತ್ತೇನೆ